اليوم امي قالت لي روحي ويا اخوج اسواق المنتزه
و عطتنا لستة المشتريات
عاد انا عندي خبرة لا يستهان بها في شراء مسلتزمات المنزل
لكن نقطة ضعفي تكمن في الخضروات الورقية يعني عندي البقدونس
و الكزبرة و النعناع و المشموم كله واحد مافي غير البربير اللي اعرف
افرقه بين الكل لاني اتذكر ايام و اول و انا صغيرة كنت
اقعد جدام ابوي الحجي و هو ياكل الغدا و كان و لازال البربير
جزء لا يتجزأ من طعامه من جذي صرت صحبه انا وياه
>>> البربير اقصد
المهم ماطول عليكم يا جماعة الخير كل ما احصل غرض في
اللستة اشطب عليه لين وصلت لكلمة (بقل ) هني انا شيرت
اشلون صاير شكله هالبقل بعد انا ادري انه لونه اخضر
و انه خضرة ورقية لكن شي ثاني ما اعرف
قلت حق روحي شسوي شسوي اممممممم مافي غير استعين بصديق
طالعت يساري ما حصلت احد
طالعت يميني وله اخوي العود
جان اقوله : اخوي ولي يعافيك عطني بقل
و اذ بعلامة استفهام كبيرة تعلو وجهه و قال : ما اعرف شكله
اصبت باحباط كبير سرعان ما تلاشى عندما لمعت في ذهني فكرة ذكية
طالعت يساري ما حصلت احد
طالعت يميني ما حصلت احد
طالعت جدامي و اذا بها سيدة في متوسط العمر ذات وجه
بشوش و مريح شجعني على تنفيذ الفكرة
قلت لها و ابتسامة تعلو وجهي
>>> دليل على اللطف
لو سمحتي
هي : التفتت صوبي
انا : اشلون شكل البقل
هي بابتسامة خبيثة : ما تعرفين شكله
انا ونفس الابتسامة : لا و في تلك اللحظة تمنيت لو كانت
اختي الصغيرة معي لكي اوكل لها مهمة السؤال عن شكل البقل
هي : تبحث بين الخضرة
انا : انتظر
هي : هاي البقل و اشرت لي عليه
انا وقد زادت ابتسامتي اتساعا : شكرا
هي : العفو
و بجذي حصلت البقل
و مثل ما تقول الحكمة الصينية
لا تعطني سمكة بل علمني كيف اصطاد
فقد قررت من اليوم اني افرق بيين اشكال الخضروات
و ما استعين باحد من السوق عشان يدليني على اللي ابيه
لسبب هم جدا و هو حفظ ماء الوجه
الصورة اعلاه لنبات النعناع اللي تعرفت عليه من خلال
صديقي الصدوق قوقل
تمت
07 اكتوبر, 2006 11:49 م