السلام عليكم
شابات و شباب المدونين من العرب والعنقريز( اي عنقريز لا تطالعوني جذي كلوا موثق بالادلة نزلوا شوي و جوفوا التوتال فيزتورز اهو صحيح مخرف شوي و ما يطلع كل الارقام صح بس بعد مكتوب انه في اوادم من انجلترا زارت مدونتي ).. اول شي شلونكم شخباركم ... امممممممم الاغلبية اكيد مو زينين لانه شغالين ستدي حق المد ترم بهالتدوينة اما عني فكوووول على الاخر ليش يا ترى ... انا اقولكم ليش لانه الله يسلمكم اول امتحان ميد ترم عندي اهو انجليزي و يبتدي تاريخ 8 نوفمبر 2006 يعني في وقت
و احنا طلاب سنة اولى حدنا متخرعين يعني متخرعين بشكل انه فرحتنا تكاد لا توصف يوم درينا انه عطلة حق الطلبة عشان يا زعم نستعد حق الميد ترم ايقزامز ... انا وحدة فرحت فيها بشكل لدرجة اني قاعده اخطط لها من اللحين طبعا ما نسيت بند ( الدراسة ) حطيته في الجدول الدقيق و المخطط بشكل >>> خبركم عطلة لازم نستمتع بكل لحظة من لحظاتها
هالايام الجو في البحرين قاعد يتسنع ... يعني اهو ما صار فن وشغل عدل لا بس في طريقه الى تلك المرحلة الجوية
في كلام دايما اسمعه و اعتقد انه قمة في المنطقية و الجمال و اتمنى كل انسان على وجه هاذي الكرة الارضية يطبقه عشان نحصل على اكبر كم من النفوس السوية و بالتالي يرقى المجتمع ومن ثم ترقى الاوطان و من ثم ترقى الامم و من ثم ترقى الحضارات عشان بعدين اذا صرنا احفورة في سنة الف و تسعمية و شريحة سيليكون لاحظوا ( مو الف و تسعمية و حطبة !) راح نلقى ناس تسوي عنا برنامج وثائقي بعنوان ( حضارات سادت ثم بادت ) .. المهم شنو هالحجي اللي ابي كل الاوادم يطبقونه .. الحجي يا طويلين العمر يقول ( بكتبته بالعامي لانه موب متذكره النص تبعه بالفصحى )
لا تنطر احد يمدحك او يقدرك او يمنحك الثقة انته امنحها لنفسك
لا تنطر احد يكافئك على اي انجاز انته تسويه كافيء نفسك بنفسك
يعني مثلا روح السوق و اشتر حق روحك هدية .. قوطي جاكليت .. عسكريم او حتى شي انته ودك تشتريه من زمان
ليش .. لانك اذا انت قدرت تفسك و عطيت نفسك الثقة و مدحتها راح يلاحظون الاودام فيك هالشي على شكل هالة او اشعاع من التفاؤل و الثقة ممكن تنتقل لهم بالعدوى و بالتالي راح تحصل اصدقاء .. ناس مستعده توقف وياك في اي خطوة انت راح تقدم عليها .. اعداء( لازم هاي اللي يسمونه ضريبة النجاح !).. مديح قد ما تبي .. هدايا .. الخ الخ الخ
و انا في طريجي للجامعه كانت مظاهر الانتخابات ظاهرة على الشوراع في المنطقة
(تمت )
01 نوفمبر, 2006 10:58 م