ورق مخطط

7elwaa bs el 5ashem lech 3lyh! :P

ما شئ الله صورة حلوة وفيها ابداع :) .. اتمنى اني اشوف لك رسمات بالقلم الرصاص فقط :oops: ..

متابع لمدونتك :) ..

أهلا بحرينية

ما شاء الله عليتس رسّامه..
بصراحة.. قبل التعديل وبعد التعديل.. كلهن حلوات..
اللي قبل التعديل خطوطها باهته شوي.. لمّا عدلتيها ضبط اللون الأسود..
لكن لون الجلد كانه صار غامق شوي..
بغيت العب في الصوره بدوري.. بس قلت مالها داعي...

تختلف هالرسمه عن اللي قبلها.. لكن ما شاء الله رسّامه :)..

تحياتي
في أمان الله

كالعااااااادة ،، رسم خاص فيج و في ستايلج المتفرد و الغير معهود ..
إلى الأمام

جميلة ماشاءالله ليها أسلوبها... والتعديل أضاف عليها قوة في الوضوح أو شيء زي كدا... بانتظار مزيد منها

Missy :
هلاو الله ببنت ديرتنا ميسي
اشكرك على هالملاحظة و راح اخذها بعين الاعتبار ان شالله :)

خاطرة بيضاء :
اهلا خاطرة بيضاء
ان شالله باقرب فرصة راح احط رسومات بالقلم الرصاص
سعيدة لان اللوحة حازت على اعجابك
و اشكرك على التعقيب

Lost Soul :
اهلا لوست سول
احب ارسم وايد و احب اطور هالشغلة فيني
اي انا عدلتها لانه بالتصوير كلش ما تاخذ حقها و تبين باهته اهو صج الصور ساعات تخفي بعض العيوب لكنها بنفس الوقت تخفي بعض المميزات
لون الجلد صار غامج لانه انا التاثير الوحيد اللي اضفته على اللوحة كان اني لعبت بالاضاءة و بالتالي كل الوانها صار غامجة اكثر
ان شالله بعد راح ارسم زيادة و اخذ رايكم باللي ارسمه
اشكرك على التعقيب وابداء رايك في اللوحة

Catwoman :
اهلا ببنت العم كاتو
اشكرك على هذه الكلمات الجميلة
الى الامام لك و لي و لكل من يمتلك موهبة يطمح الى تطويرها في سبيل
عالم افضل
اشكرك على التعقيب :)

SmBa :
اهلا بك يا سمبا
و اهلا بزيارتك الاولى
سعيدة بكلماتك التي اضافت الكثير للمدونة
اشكرك على التعقيب :)

يا استاذة إنتي فنانة
:)

أنا مش عارف انتي بتدرسي إيه..!؟ بس لو بتدرسي فنون جميلة يبقى مش غريب.

بيني وبينك، طبعا بعد تصحيح الكمبيوتر الصورة بتكون أحسن وأوضح، ده شيء ضروري.. حتى للصور الفوتوغرافية .

تحياتي ليكي وربنا يوفقك .

هاي بحرينية شلونج
ايوة والله وانتي صاجة الشتاء مايعبر الخليج كلش مايمديه يجي الا ويروح بسرعة
:)
اما اللوحة حلوة بس الخشم جنه وايد صغير
بس ابداع
انا اموت في الرسم
:)

واااااو
جميلة والوانها زاهية
أحس الاولى أحلى
ما ادري
يمكن لان الوانها ناعمة شوي

بس جميل تلوينك

لوحة جميلة :)

علـ فكرة
أكره جو .. جو البحرين
اربعين الف فصل في اليوم !!
و في كُتب الجغرافيا " يقصون علينا " يقولون البحرين فصل !!

Abderrahman :
اهلا عبدالرحمن
انا الله يسلمك من طلبة التعليم التطبيقي في جامعة البحرين
و للاسف دراستي مافيها شي يتعلق بالفنون :)
بش شغلات الرسم و الالوان و الخطوط وايد تجذبني
اشكرك على هالكلام اللي يرفع المعنويات و يعطي دفعة للامام عشان ارسم و اطور هالشي فيني


sarah :
اهلا سارة
الحمدلله انا تمام انتي اللي شلونج
انتي ثاني وحدة تكون ملاحظتها عن الخشم بحاول اتجنب هالشي المرة الياية
و يارب الشتا هالسنة يكون طويل
اشكرك على التعقيب يا ساااااارة :)


SamaOman :
اهلا سما
انتي سما يعني لونك دايما ازرق فاااااتح و شي طبيعي انك تفضلين الالوان الهادية
و مثل ما يقولون الناس اذواق
اشكرج على ملاحظاتج التي كتبت في تعقيب جميل اسعدني كثيرا :)

الإمبراطور سنبس :
اهلا امبراطور
ههههههههههه
اي و الله و انت صاج
في اليوم الواحد 24 ساعة
و في هال24 ساعة تحتار في عمرك ما تدري شتسوي من زود ما الجو متقلب
بس يظل بالنهاية ثلاث شهور شتا و تسعة شهور صيف
اشكرك على التعقيب