هذا الله يسلمكم آنه استخدم قراطيس الككاو كفواصل للكتب اللي اقراها .. يمكن طرت على بالي هالفكرة لاني وايد آكل ككاو و احترم اللي يقدرون الككاو يعني على سبيل المثال اذا جفت احد بيده كوكيز وايد يكبر في عيني كأنسان .. ليش ؟! لانه يقدر الككاو اضافة الى ان ريحة الككاو الرائعة المنعشة الجميلة النادرة اللطيفة اللي ما صارت و لااستوت >>> اشفيني قلبت عبدالله بالخير لول .. تبقى في القرطاس و ما تروح بسرعة يعني اتحداكم تلاقون فاصل الوانه زاهية و ريحته حلوة اضافة الى ان يخلصك شوي من عقدة الذنب كونك تعيش في مجتمع مستهلك لانك عنحساب قاعد تستخدم القرطاس في مجالات اخرى .. بس عاد هاا مو تستخدمون قرطاس ملعوز سبة ان كان فيه ككاو ذايب من قبل بعدين النمل يشن على كتبكم الغزو الفكري من اجل الطعام و تقولون بحرينية اللي اقترحت علينا هكذا اقتراحات تبدو في ظاهرها نيرة و في باطنها منيلة بستين نيلة .. هذا شي شي ثاني مو تستخدمون القرطاس كفاصل الى ابد الآبدين بعدين تطلع فيه ريحة مش و لابد و تقولون " ويييييين اللي ريحة حلوة !! " في كلمة بالقاموس مادري جان سمعتوا عنها من قبل ينقال لها مؤقت هذا و السلام ختام
رايحة و راجعة ارد على تعليقاتكم بهذا البوست و اللي قبله
28 اكتوبر, 2007 08:03 م