اذكر يوم كنا في ابتدائي كانوا اذا بيودونا رحلة فهي لمكانين فقط لاغير الا و هما : متحف البحرين الوطني و الحديقة المائية , مرة وحدة بس اللي كسروا القاعده , كنا صف سادس ابتدائي " يعني آخر سنة في المرحلة الابتدائية " رحنا فيها الثروة السمكية مكان اللي يستزرعون السمج في البحرين , المضحك في الامر ان سايق الباص ضيع المكان و وحدة من بنات الصف دلته بحكم زيارتها للمكان من قبل .
بالله حسن الخاتمة , هذا بركان بركاااااااااااااااااااان اشلون امتلكت الشجاعة الكافية. . لا اقصد التهور الكافي اللي خلاها تقدم على هالتصرف اللي خسرت حياتها سبته اول ما قريت الخبر ما قدرت اتخيل الوضع خصوصا بالنسبة للفوج السياحي اللي كان وياها و جافها و اهيا تطيح في البركان النشط , يعني حتى لو ما عندها ادراك بخطورة البركان النشط ليش ما سمعت التحذير بعدم الاقتراب منه ؟! على ايام متحف البحرين و ابتدائي عشان " ممنوع اللمس " كنا نسمع التحذير بمختلف طبقات الصوت, هذا عشان ما نلمس فخارة مكسرة فما بالك و بركان نشط !! انصحكم يالقائمين على البركان بأقالة مرشديكم السياحيين و الاتجاه نحو معلمات الابتدائي للحفاظ على سلامة السياح هذا و دمتم سالمين
09 يوليو, 2007 09:03 م