ورق مخطط

ماشاء الله تبارك الله
:)
ياااااه على أيام المدرسة اليوم أخواتي رايحين لمدرستهم وصوت الباص وأصوات الأولاد اللي في الإبتدائية اللي جنب بيتنا خلتني أحس بالحنييييين للمدرسة
:)

العزيزة بحرينيه
قبل يومين كان لي فخر نفس الإنجاز
فقد جلدت 15 كتاب ودفتر لأبني
ورغم التعب ولكنها تبقى متعة كل عام بالنسبة لي
تحياتي

أهلا بحرينية

ما شاء الله عليتس،، أنا أخواتي الكبار كانوا يجلدون لي كتبي حتى بالثانوي،، لووول

تقاليد تجليد الكتب هذي منتشره :\ ،، لول

مشكورة عالبوست يا بحرينية
تحياتي
في أمان الله

sweettala:
اهلا تالا
انتي شعرت بالحنين الى المدرسة بينما آنه العام كنت اطالع اخواني بأبتسامة خبيثة كان مفادها " هيهيهي مساكين مدارس مساكين " خخخخخ
مبروك على بداية العام الدراسي الجديد
و شكرا لك يا تالا على التعليق :)

shalwatani :
اهلا شيما
اهلا بالمنجزة D:
الله يخليهم لج يارب >>> عيالج مو الكتب P;
مبروك بداية العام الدراسي الجديد
شكرا على التعليق :)

Lost Soul :
اهلا لوست سول
فعلا تقاليد الكتب هاذي منتشرة بشكل كبير على مستوى الخليج
لوووول ماشالله للثانوي يعني ما قط جذي خطرت على بالك فكرة انك تجلد كتاب من الكتب اللي عندك مثل ما خطر على بالي يوم كنت بالصف السادس ابتدائي و من عقبها ابتديت اجلد مع امي و ابوي و بعدين احترفت المهنة و صرت آنه و اختي المسئولين عنها
شكرا لك يا لوست سول على التعليق :)
و شخبار اول يوم دراسي ؟!

أهلا بحرينية ،،

أول يوم دراسي ،، لول، أسوأ وفي نفس الوقت "من أحلى" أيام السنه

أسوأ يوم لأنه يعلن قدوم الدراسه،، ويوم حلو لأنك تشوف اصدقائك اللي فرقتك العطلة عنهم ،،

كنت بكتب وش اللي صار معي،، لكن قررت أنزله بوست بروحه في مدونتي بعد يومين ،، كذا حولها ،،
ويصير ردي عليتس هناك :) ،،

تحياتي
في أمان الله

Lost Soul :
اهلا لوست سول
اي هو يوم يجمع النقيضين
الفرح برؤية الاصدقاء و الحزن لبداية التعب
بأنتظار البوست
و شكرا على التعليق يا لوست سول :)

بحرينيه

يومين السبت والاحد وأنا أجلد الكُتب!!
تقريباً 24 كتاب ، وصارت الكُتب نظيفة وجديدة ومرتبة ..

اما فايدة التجليد كبييرة خصوصاً لاطفال الابتدائي << مثل اللي عندي
لوما الكتاب مجلد والا راحت كل ورقة لحالها.

:D

زخوج يا حلوة؟

أنا أخوي و أختي طلبوا مني .. بس سويت عمري مشغولة ..! خخخخخ

أنا ما صدقت افتك من الكتب ..!!

سلوى :
اهلا سلوى
الجميل في الاطفال انهم لا يعرفون الكذب , صادقين في التعبير على شكل مشاعر عن كل ما يواجههم من امور و صعوبات
ربما تمزيق الكتاب و اتلافه هو تعبير غير مباشر عن الملل الذي تسببه لهم الدراسة , لذا فلابد من التجليد حتى و لم لم اكن اؤمن به
يعطيج العافية يا سلوى على ال24 كتاب اللي جلدتيهم
اللحين صار عندنا ثلاث منجزات في عالم التدوين آنه و انتي و شيماء الوطني D :
شكرا على التعليق يا سلوى :)

DUBAI :
هلاو غلا بدبي
فيرست اوف اول
يعني شنو " زخوج " ؟!
بس ترا انتي فعلا مشغولة
يعني عندج دوام تروحين له من صباحت الله خير موب مثلي آنه العطالية البطالية الى حين بداية الجامعة
من جذي اصلا المفروض يستحوون على ويوههم و لا يطلبون منج تمسكين كتاب :P
>>> تأييد
شكرا لج يا دبي على التعليق :)

يعطيج العافية
رغم ان التجليد متعب و يكسر الظهر الا ان شكل الكتب احلى بوايد بعد التجليد وتشجع على الدراسة لو ان المناهج ما تساعد كالعادة

انتي ما تحبين تجلدين كتبج بس انا التجليد عندي من سمات الطالبة المجتهدة و المرتبة ويدل على انها نظامية بعد>>>> حشى مديرة مدرسة

وللحين انظر للطالبة الي ما تجلد كتبها على انها مب مرتبة بتاتا و اسال نفسي هذي كيف اداوم و تقعد وياي؟!>>>>الاخت بريستيجية

اسمحيلي بجاوب عن اختي دبي
زخوج=القي القبض عليك

للعلم فقط :
هذا ابوست يا مسحور يا منحوس
هاي ثالث مرة اكتب تعليق و ينمسح بس ما يئست ابدا ابدا

موفقة قلبي^_^

بنت الاجاويد :
اهلا بنت الاياويد
الله يعافيج
ايودية تحب التجليد !!
اشوف مأثرة فيج انظمة الهيئة التعليمية وايد p:
بس حلو الواحد يكون نظامي خصوصا بالتفاصيل
لان غالبا الانسان النظامي تكون افكاره مرتبة
شكرا يا ايودية على التعليق و على تفسير معنى الكلمة و سعيدة وايد لانه اصريتي تكتبين لي تعليق على الرغم من انج كتبتي اكثر من مرة و انمسح :)